Celf Gyhoeddus Cymru/Public Art Wales

Mae CBAT, yr Asiantaeth Gelfyddydau ac Adfywio, wedi unoâ Cywaith Cymru i ffurfio

Celf Gyhoeddus Cymru/Public Art Wales

Mae ffurfio Celf Gyhoeddus Cymru, y corff celf gyhoeddus mwyaf yng ngwledydd Prydain, yn golygu y bydd Cymru ar flaen y gad o ran datblygu ymarfer celf gyhoeddus yn y Deyrnas Unedig ac yn rhyngwladol drwy sicrhau rôl flaenllaw i artistiaid mewn cynlluniau adfywio.

Tywysir Celf Gyhoeddus Cymru gan y Cyfarwyddwr Gweithredol Wiard Sterk (cyn Gyfarwyddwr CBAT), ochr yn ochr â’r pensaer o Aberystwyth, Harry James, fel Cadeirydd, yn ogystal â’r staff hynod fedrus ac ymroddgar sydd wedi trosglwyddo i’r corff newydd o Cywaith Cymru a CBAT.

Mae Celf Gyhoeddus Cymru’n gweithredu ar hyn o bryd o ddwy swyddfa, sef hen swyddfeydd CBAT a Cywaith Cymru. Yn ystod mis Gorffennaf byddwn yn symud i un safle yn Sovereign Quay ym Mae Caerdydd.

Yn y cyfamser bydd manylion cyswllt staff y naill gorff a’r llall yn aros yr un fath a gwnawn ein gorau i roi gwybod ichi am unrhyw newidiadau a wneir maes o law. Am y tro, hoffem fanteisio ar y cyfle hwn i ddiolch ichi am eich amynedd a’ch cefnogaeth.

Noder os gwelwch yn dda mai teitl gwaith yw Celf Gyhoeddus Cymru sy’n ddibynnol ar broses brandio dan arweiniad yr asiantaeth ddylunio Bureau for Visual Affairs